(355) SOUS LE RÈGNE DE CHARLES VI. 115

la fondacion d'une autre chappelle, laquelle chappellenie sera en la presentacjon de lui et de ses hoirs et successeurs perpetuelment, et en la collacion de monseigneur l'evesque de Luçon, parmi ce que les chappellain, deux ou trois qui y seront au plaisir de Dieu présentez et instituez, comme dit est, seront tenuz de chanter tous les jours de chascune sepmaine perpetuelment pour le salut et remede des ames de lui, de ses pere, mere et bienfaicteurs, et que les quatre d'icelles messes soient chantées, c'est assavoir, de Requiem, l'autre de la Trinité, l'autre de saint Michiel, et le samedi en l'onneur de Nostre Dame soit chantée une autre messe à note, et tout ce soit fait en la dicte chappelle, en laquelle il a fondé et fonde la ditte chappellenie, et non ailleurs.

Item, vuelt et ordene le dit testateur, que le jour que il yra de vie à trespassement, que à l'entour de son corps ait quatre cierges de trois livres de cire, et douze torches, chascune du pois de quatre livres pesans seulement, et autant en la fin de huit jours et en la fin de l'an.

Item, vuelt et ordene que le jour de son obit soient dictes et chantées pour le salut et remede de l'ame de lui trente messes de Requiem, et soixante au vm^e jour prouchain ensuivant, et que chascun chappellain qui les dictes messes chanteront, aient chascun pour chascune messe deux solz Parisis par les mains de ses executeurs, et autant au bout de l'an.

Item, vuelt et ordene icellui testateur que un petit blanc soit donné pour Dieu, le jour de son obit, à chascune personne qui pour Dieu le voudront prandre, et autant au bout de l'an.

Item, vuelt et ordene que chascun des quatre ordres Mendians à Paris, comme Jacobins, Cordeliers, Augustins et Carmelistes, aient chascun ordre deux frans, dont chascun d'iceulx ordres diront vigilles, et si seront tenuz de dire et chanter une messe à note de Requiem en leurs eglises.

Item, il donne et laisse à l'Ostel Dieu de Paris dix frans d'or et son lit garni de toutes les choses qui y appartiennent, c'est assavoir, de cousté, de coissin, de qnatre draps, d'une sarge, un dossier et un marchepié.

i5.



	(355) SOUS LE RÈGNE DE CHARLES VI. 115 la fondacion d'une autre chappelle, laquelle chappellenie sera en la presentacjon de lui et de ses hoirs et successeurs perpetuelment, et en la collacion de monseigneur l'evesque de Luçon, parmi ce que les chappellain, deux ou trois qui y seront au plaisir de Dieu présentez et instituez, comme dit est, seront tenuz de chanter tous les jours de chascune sepmaine perpetuelment pour le salut et remede des ames de lui, de ses pere, mere et bienfaicteurs, et que les quatre d'icelles messes soient chantées, c'est assavoir, de Requiem, l'autre de la Trinité, l'autre de saint Michiel, et le samedi en l'onneur de Nostre Dame soit chantée une autre messe à note, et tout ce soit fait en la dicte chappelle, en laquelle il a fondé et fonde la ditte chappellenie, et non ailleurs. Item, vuelt et ordene le dit testateur, que le jour que il yra de vie à trespassement, que à l'entour de son corps ait quatre cierges de trois livres de cire, et douze torches, chascune du pois de quatre livres pesans seulement, et autant en la fin de huit jours et en la fin de l'an. Item, vuelt et ordene que le jour de son obit soient dictes et chantées pour le salut et remede de l'ame de lui trente messes de Requiem, et soixante au vm^e jour prouchain ensuivant, et que chascun chappellain qui les dictes messes chanteront, aient chascun pour chascune messe deux solz Parisis par les mains de ses executeurs, et autant au bout de l'an. Item, vuelt et ordene icellui testateur que un petit blanc soit donné pour Dieu, le jour de son obit, à chascune personne qui pour Dieu le voudront prandre, et autant au bout de l'an. Item, vuelt et ordene que chascun des quatre ordres Mendians à Paris, comme Jacobins, Cordeliers, Augustins et Carmelistes, aient chascun ordre deux frans, dont chascun d'iceulx ordres diront vigilles, et si seront tenuz de dire et chanter une messe à note de Requiem en leurs eglises. Item, il donne et laisse à l'Ostel Dieu de Paris dix frans d'or et son lit garni de toutes les choses qui y appartiennent, c'est assavoir, de cousté, de coissin, de qnatre draps, d'une sarge, un dossier et un marchepié. i5.